काठमाडौं, २२ असोज । नेकपा एमालेले आगामी मंसिरको पहिलो साता काठमाडौंमा राष्ट्रिय कार्यकर्ता भेला आयोजना गर्ने निर्णय गरेको छ।
पार्टीको स्थायी कमिटी बैठकले तल्लो तहका भेला तथा अधिवेशन सम्पन्न गरेपछि प्रदेश पदाधिकारी, जिल्ला पदाधिकारी, पालिका अध्यक्ष–उपाध्यक्ष तथा विभिन्न तहका जनप्रतिनिधिसहित राष्ट्रिय भेला गर्ने निर्णय गरेको सचिव महेश बस्नेतले जानकारी दिए।
एमालेले मंसिर २६ गते वडा र पुस ४ गते पालिका अधिवेशन गर्ने निर्णयसमेत गरेको छ। वडा तथा पालिका अधिवेशनपछि प्रदेशस्तरीय भेला आयोजना गरिनेछ।
बैठकमा पूर्वराष्ट्रपति विद्यादेवी भण्डारी पनि सहभागी भएकी थिइन्। उनले वरिष्ठ नेताको शपथ लिएकी छन्। स्थायी कमिटी बैठक शुक्रबार दिउँसो १ बजे पुनः बस्ने बताइएको छ।
