काठमाडौं, ३० फगुन । गगनकुमार थापा लाई पार्टी सभापतिको पदबाट राजीनामा नदिन नेपाली कांग्रेस का केही केन्द्रीय सदस्यहरूले आग्रह गरेका छन् ।
शनिबार बिहान बालुवाटारमा सभापति थापासँग भेट गर्दै सहमहामन्त्री प्रकाश रसाइली को नेतृत्वमा मधु आचार्य, अजयबाबु शिवाकोटी र प्रमोद गुरागाईं लगायत नेताहरूले राजीनामा नदिन सुझाव दिएका हुन् ।
भेटका क्रममा पछिल्लो राजनीतिक घटनाक्रम र हालै सम्पन्न प्रतिनिधिसभा निर्वाचनको समीक्षा विषयमा पनि छलफल भएको नेताहरूले बताएका छन् ।
हालै सम्पन्न प्रतिनिधिसभा निर्वाचनमा पार्टीले अपेक्षित परिणाम ल्याउन नसकेपछि सभापति थापाले राजीनामा दिने मनस्थिति बनाएको बताएका थिए । यसअघि उनले उपसभापति विश्वप्रकाश शर्मा सँगको भेटमा पनि राजीनामा दिने सम्भावना व्यक्त गरेका थिए ।
