धनुषा,२८ फागुन । बजारमा खाना पकाउने एलपी ग्यासको कृत्रिम अभाव हुन नदिन जिल्ला प्रषासन कार्यालय धनुषाले ग्यास बिक्री वितरणमा कडाइ गर्ने निर्णय गरेको छ ।
प्रशासनले ‘एक परिवार, एक ग्यास सिलिन्डर’ नीति लागू गर्दै उपभोक्तालाई प्रतिपरिवार एक थान मात्र सिलिन्डर बिक्री गर्न निर्देशन दिएको हो ।
प्रमुख जिल्ला अधिकारी प्रमुख जिल्ला अधिकारी प्रेमप्रसाद लुइँटेलको संयोजकत्वमा सरोकारवाला निकाय र सुरक्षा निकायका प्रमुखहरू सहभागी भएको बैठकले ग्यासको सहज आपूर्ति कायम राख्न यस्तो निर्णय गरेको हो ।
निर्णयअनुसार ग्यास विक्रेता (डिलर)हरूले उपभोक्तालाई एक परिवारलाई एकवटा मात्रै ग्यास सिलिन्डर बिक्री गर्न पाउनेछन् ।
साथै, बिक्री गर्दा विक्रेताले उपभोक्ताको नाम, ठेगाना र सम्पर्क नम्बर सहितको अभिलेख अनिवार्य रूपमा राख्नुपर्ने व्यवस्था गरिएको छ । प्रशासनले ग्यास वितरणका क्रममा होटल तथा रेस्टुरेन्टजस्ता व्यापारिक प्रयोजनभन्दा घरायसी उपभोक्तालाई पहिलो प्राथमिकता दिनुपर्ने निर्देशन समेत दिएको छ ।
बैठकले जिल्लामा रहेका एलपी ग्यास उद्योग तथा विक्रेताहरूलाई दैनिक बिक्रीको अभिलेख राखेर बजारमा समानुपातिक रूपमा ग्यास वितरण गर्न पनि आग्रह गरेको छ
