काठमाडौं, २७ फागुन । नेपाल वायु सेवा निगम ले दुबई विमानस्थलमा रोकिएका यात्रुको उद्धारका लागि आज राति विशेष उडान सञ्चालन गर्ने भएको छ।
निगमका अनुसार आज राति ११:१५ बजे काठमाडौँबाट वाइडबडी जहाज दुबई जानेछ र त्यहाँ रोकिएका यात्रुलाई लिएर बिहीबार बिहान ४:१० बजे काठमाडौँ फर्किने तालिका छ ।
अमेरिका–इरान तनावका कारण रोकिएका यात्रुको उद्धारका लागि १२ दिनपछि पहिलोपटक यस्तो उडान हुन लागेको हो ।
यो उडानबाट करिब २७०–२८० यात्रु दुबई जानेछन् भने दुबईमा रोकिएका नेपाली यात्रुलाई स्वदेश फर्काइने निगमले जनाएको छ ।
