काठमाडौँ, २६ फाल्गुन । प्रतिनिधिसभा निर्वाचनको समानुपातिकतर्फको मतगणना अन्तिम चरणमा पुगेको छ ।
मंगलबार दिउँसो १२ः२२ बजेसम्म १ करोड ४ लाख ६० हजार ५८६ मत गणना भएको निर्वाचन आयोगले जनाएको छ । हालसम्मको परिणामअनुसार राष्ट्रिय स्वतन्त्र पार्टी (रास्वपा) ले ५० लाख २१ हजार ९६३ मतसहित अग्रता कायम गरेको छ, जुन कुल गणना भएको मतको आधाभन्दा बढी हो ।
दोस्रो स्थानमा रहेको नेपाली कांग्रेस ले १६ लाख ९७ हजार २३४ मत प्राप्त गरेको छ भने तेस्रो स्थानमा रहेको नेकपा एमाले ले १४ लाख १५ हजार ५०६ मत पाएको छ ।
प्रत्यक्षतर्फ रास्वपाले १२५ सिट जितेको छ भने कांग्रेसले १८ र एमालेले ९ सिट जितेका छन् । प्रत्यक्षमा ८ सिट जितेको नेकपा ले समानुपातिकतर्फ हालसम्म ७ लाख ७० हजार ८४१ मत प्राप्त गरेको छ ।
