काठमाडौं, २५ फागुन । प्रतिनिधिसभा निर्वाचनपछि राष्ट्रिय स्वतन्त्र पार्टी (रास्वपा) झण्डै दुई तिहाइ बहुमतसहित सरकारको नेतृत्व गर्ने अवस्थामा पुगेको छ ।
हालसम्म प्रत्यक्षतर्फ १२५ सिट जितेको र ४६ लाखभन्दा बढी समानुपातिक मत पाएको रास्वपाले शिक्षा क्षेत्र सुधारलाई प्रमुख प्राथमिकता बनाउने जनाएको छ ।
पार्टीको चुनावी वाचापत्रमा विद्यालय र विश्वविद्यालयलाई दलीय राजनीतिक प्रभावबाट मुक्त गर्ने, ट्रेड युनियन खारेज गर्ने तथा समावेशी र गुणस्तरीय सार्वजनिक शिक्षा विस्तार गर्ने योजना समेटिएका छन् ।
साथै शिक्षक तालिम, अपाङ्गता भएका बालबालिकाका लागि सहायक प्रविधि प्रयोग, निजी शैक्षिक संस्थाको नियमन, नमुना समावेशी विद्यालय स्थापना तथा उच्च शिक्षाको पुनर्संरचना गर्ने प्रतिबद्धता पनि रास्वपाले जनाएको छ ।
