काठमाडौं, २३ फागुन । रवीन्द्र मिश्रले दलीय राजनीतिबाट तत्कालका लागि बिदा लिएको घोषणा गरेका छन् ।
राष्ट्रिय प्रजातन्त्र पार्टीका नेता मिश्र काठमाडौं–१ मा चौथोपटक पराजित भएपछि आजैबाट पार्टीका सबै जिम्मेवारीबाट राजीनामा दिएका हुन् ।
उनले आफ्नो निर्णय सोचविचार गरेर लिएको बताउँदै राजसंस्था पुनस्र्थापना र सुशासनका मुद्दामा भने स्वतन्त्र रूपमा आवाज उठाइरहने बताएका छन् ।
साथै उनले राष्ट्रिय स्वतन्त्र पार्टी लाई निर्वाचन सफलताका लागि बधाईसमेत दिएका छन् ।
