एजेन्सी । इरानका सर्वोच्च नेता आयोतुल्ला अली खामेनीको निधनपछि मध्यपूर्वमा हिंसा झनै चर्किएको छ ।
यूएई रक्षा मन्त्रालयका अनुसार इरानबाट प्रक्षेपित १६५ ब्यालेस्टिक मिसाइलमध्ये १५२ वटा र दुई क्रुज मिसाइल नष्ट गरिएको छ । मिसाइलका टुक्रा खस्दा एक नेपालीसहित तीन जनाको मृत्यु भएको छ भने ५८ जना घाइते भएका छन् ।
त्यस्तै ५४१ इरानी ड्रोनमध्ये ५०६ वटा अवरोध गरिएको जनाइएको छ । उता इजरायलमा भएको मिसाइल आक्रमणमा मृतक संख्या ९ पुगेको छ। आवासीय क्षेत्रमा प्रहार हुँदा ठूलो भौतिक क्षति भएको छ ।
इजरायल डिफेन्स फोर्सले मिसाइल अवरोध असफल हुनुको कारणबारे छानबिन सुरु गरेको जनाएको छ ।
