काठमाडौं, २५ असोज । गोरखाको बूढीगण्डकी नदीमा आएको बाढीका कारण जोखिममा परेका ३६ जनालाई नेपाली सेनाले उद्धार गरेको छ।
नेपाली सेनाका अनुसार जगतबाट ६ जना, न्याक्फेदीबाट ९ जना, यारुबाट एक शिशुसहित ९ जना र पायुबाट १२ जनाको उद्धार गरिएको हो।
उद्धार गरिएकामध्ये एक जना विदेशी नागरिक पनि छन्। खोज तथा उद्धारका लागि चारवटा हेलिकोप्टरसहित स्थलमार्गबाट समेत सेना परिचालन गरिएको छ।
अन्य सुरक्षा निकाय तथा सरोकारवालासँग समन्वय गरी थप उद्धार कार्य जारी रहेको सेनाले जनाएको छ।
