काठमाडौं, १७ फागुन । मध्यपूर्वमा बढ्दो तनावका कारण विभिन्न देशका विमानस्थलमा अलपत्र परेका नेपाली नागरिकलाई जहाँ छन् त्यहीँ सुरक्षा दिएर राख्ने निर्णय सरकारले गरेको छ ।
प्रधानमन्त्री निवास बालुवाटारमा बसेको मन्त्रिपरिषद् बैठकले हाल सबै विमानस्थल बन्द भएकाले तत्काल फर्काउन वा अघि बढाउन नसकिने निष्कर्ष निकालेको हो ।
परराष्ट्रमन्त्री बालानन्द शर्माका अनुसार सम्बन्धित देशका नेपाली दूतावासलाई उच्च सतर्कतामा राख्दै नागरिकको निरन्तर अनुगमन र ट्रान्जिटमा परेकालाई होटल तथा सुरक्षा व्यवस्था मिलाउन निर्देशन दिइएको छ।
यसबारे आधिकारिक ट्राभल एडभाइजरी पनि जारी गरिएको छ ।
