काठमाडौं, १७ फागुन । प्रतिनिधिसभा निर्वाचन हुन अब ४ दिन मात्र बाँकी रहँदा आजबाट मतदाता शिक्षा कार्यक्रम सकिँदैछ ।
निर्वाचन तालिकाअनुसार भोलि राति १२ बजेदेखि मौन अवधि सुरु हुने भएकाले दलहरूले त्यसअघिसम्म मात्र प्रचार–प्रसार गर्न पाउनेछन् ।
निर्वाचन आयोगका अनुसार निर्वाचनको सम्पूर्ण तयारी अन्तिम चरणमा पुगेको छ । मतपत्र, मतपेटिका र सामग्री सबै जिल्लामा पु¥याइसकिएको छ ।
पहाडी र हिमाली जिल्लामा मतदान अधिकृतहरू कार्यक्षेत्रतर्फ लागिसकेका छन् भने तराई–मधेस र सहरी क्षेत्रमा अनुशिक्षण जारी छ । यसपटक प्रत्यक्षतर्फ ६५ दलका ३ हजार ४०६ उम्मेदवार र समानुपातिकतर्फ ३ हजार १३५ उम्मेदवार प्रतिस्पर्धामा छन्।
कुल मतदाता संख्या १ करोड ८९ लाखभन्दा बढी छ । आयोगले २५ करोड खर्चेर सञ्चालन गरेको मतदाता शिक्षा आज टुंगिँदैछ ।
साथै चुनावका दिन एम्बुलेन्स, दमकल, खानेपानी, खाद्य सामग्री, अस्पताल सेवा, उडान यात्रु बोकेका तथा अपाङ्गता भएका र ज्येष्ठ नागरिक बोकेका सवारीसाधनलाई पास आवश्यक नपर्ने स्पष्ट पारेको छ ।
