काठमान्डौँ, १६ फाल्गुन । आगामी फागुन २१ गते हुने प्रतिनिधिसभा निर्वाचनलाई स्वच्छ, स्वतन्त्र र भयरहित वातावरणमा सम्पन्न गर्न निर्वाचन आयोग ले ३ लाखभन्दा बढी सुरक्षाकर्मी परिचालन गरेको छ ।
निर्वाचन सुरक्षा तथा जोखिम व्यवस्थापन समितिको निर्णयअनुसार म्यादी प्रहरीसहित कुल ३ लाख ४१ हजार १११ सुरक्षाकर्मी खटाइएको हो।यसमा नेपाली सेना, नेपाल प्रहरी, सशस्त्र प्रहरी बल, राष्ट्रिय अनुसन्धान र म्यादी प्रहरी समेटिएका छन् ।
समितिका संयोजक आयुक्त सगुन शमशेर जबरा ले हाल देशभर शान्ति सुरक्षाको अवस्था सामान्य रहेको र कुनै ठूला सुरक्षा चुनौती नदेखिएको बताएका छन् ।
आवश्यक परे सुरक्षालाई अझ प्रभावकारी बनाउन सेना पहिलो घेरामै परिचालन गर्न सकिने व्यवस्था गरिएको आयोगले जनाएको छ ।
