एजेन्सी । इजरायलले इरानमाथि सैन्य आक्रमण गरेपछि मध्यपूर्वमा तनाव चरमोत्कर्षमा पुगेको छ ।
आक्रमणपछि इजरायलभर मिसाइल चेतावनी साइरन बजाइएको थियो । अमेरिका–इरानबीच कूटनीतिक वार्ता जारी रहेकै बेला यो आक्रमण भएको हो ।
अमेरिकी राष्ट्रपति डोनाल्ड ट्रम्पले वार्ताको प्रगतिप्रति असन्तुष्टि जनाउँदै मध्यपूर्वमा ठूलो संख्यामा अमेरिकी सेना परिचालन गर्न आदेश दिएका छन् ।
इरानले कुनै पनि आक्रमणको कडा सैन्य जवाफ दिने चेतावनी दिएको छ । इजरायली प्रधानमन्त्री बेन्जामिन नेतन्याहुले इरानको ब्यालिस्टिक मिसाइल र आणविक कार्यक्रमलाई गम्भीर खतरा बताएका छन् भने इरानले ती विषयलाई आफ्नो सार्वभौमसत्तासँग जोड्दै वार्तामा समावेश गर्न अस्वीकार गर्दै आएको छ ।
