काठमाडौं, १४ फागुन । आसन्न फागुन २१ गते हुने प्रतिनिधिसभा सदस्य निर्वाचनका लागि देशभरका १६५ वटै निर्वाचन क्षेत्रमा निर्वाचन सामग्री पुगेको छ ।
निर्वाचन आयोगका सहायक प्रवक्ता कुलबहादुर जिसीका अनुसार प्रत्यक्ष र समानुपातिक दुवै प्रणालीका गरी करिब ४ करोड ११ लाख मतपत्र ७७ वटै जिल्लामा वितरण भइसकेको छ ।
निर्वाचनको पूर्वतयारी अन्तिम चरणमा पुगेको आयोगले जनाएको छ। मतदाता शिक्षा कार्यक्रम फागुन ३ गतेदेखि १७ गतेसम्म देशभर सञ्चालन भइरहेको छ भने राजनीतिक दलहरूले फागुन ४ गतेदेखि मुख्य चुनावी प्रचारप्रसार थालेका छन् ।
आयोगले प्रचारप्रसारलाई कानुन र आचारसंहिताको दायरामा राख्न निर्देशन दिएको छ ।
