काठमाडौं, २५ पुस । साताको कारोबारको अन्तिम दिन सुनको मूल्य बढेको छ ।
नेपाल सुनचाँदी व्यवसायी महासंघले शुक्रबार मूल्य निर्धारण गर्दा सुनको मूल्य वृद्धि र चाँदीको गिरावट आएको छ । महासंघका अनुसार शुक्रबार छापावाल सुन तोलामा २ लाख ६७ हजार ८०० रुपैयाँ कायम भएको हो भने यस्तै चाँदीको ४ हजार ७८० रुपैयाँ कायम भएको छ ।
यसअघि बिहीबार छापावाल सुन तोलामा २ लाख ६५ हजार ७०० रुपैयाँ र चाँदी ४ हजार ८३५ रुपैयाँ कायम भएको थियो ।
