काठमाडौं, ३ असोज । फ्रान्समा युवा आन्दोलन देशव्यापी बन्दै गएपछि सरकारले पेरिससहित विभिन्न सहरमा रातिको कर्फ्यु लागू गरेको छ। प्रदर्शन नियन्त्रण गर्न प्रशासनले केही क्षेत्रमा अनधिकृत भेला हुनसमेत प्रतिबन्ध लगाएको छ।
प्रहरीका अनुसार पेरिसको प्लेस डे ला रिपब्लिक र लुअल्ली किनमेल क्षेत्रमा स्थानीय समयअनुसार राति ११ बजेदेखि बिहान ६ बजेसम्म कर्फ्यु लगाइएको छ। मार्सेली, बोर्डो, नाइस, लियोन र लिललगायत सहरमा पनि आंशिक कर्फ्यु घोषणा गरिएको छ।
विद्यार्थीहरूले विद्यालयको अवस्था सुधारको माग गर्दै सुरु गरेको आन्दोलनमा अहिले महँगीलगायत अन्य मुद्दा पनि जोडिएका छन्। फ्रान्सका गृहमन्त्री लरेन्ट नुनेजले केही सहरको अवस्था प्रहरी नियन्त्रणबाहिर गएको स्वीकार गरेका छन्।
प्राप्त विवरणअनुसार प्रदर्शनका क्रममा २ हजार ५०० भन्दा बढी व्यक्ति पक्राउ परेका छन् भने आन्दोलन नियन्त्रण गर्ने क्रममा करिब १ हजार प्रहरी अधिकारी घाइते भएका छन्।
