काठमाडौं, ३१ असोज । प्रधानमन्त्री सुशील कार्कीले वर्तमान अन्तरिम सरकारको मुख्य प्राथमिकता तोकिएको मितिमा निर्वाचन सम्पन्न गर्नु रहेको स्पष्ट पार्नुभएका छन् ।
शुक्रबार अपरान्ह सिंहदरबारमा नेपालमा कार्यरत विभिन्न देशका राजदूत तथा कूटनीतिक नियोग प्रमुखहरूसँग सामूहिक भेटवार्ता गर्दै प्रधानमन्त्री कार्कीले सरकारको कार्ययोजना र प्राथमिकताहरूको लागि बतााएको छ ।
यो उहाँको कार्यभार सम्हालेपछि पहिलो कूटनीतिक भेट हो । प्रधानमन्त्रीको साथसाथै परराष्ट्रमन्त्रीको जिम्मेवारी समेत सम्हालिरहनु भएकी कार्कीले नेपालका वैदेशिक नीतिहरू र कूटनीतिक सम्बन्धलाई सन्तुलित र प्रभावकारी रूपमा अघि बढाइने बताउनु भएको परराष्ट्र मन्त्रालयका प्रवक्ता लोकबहादुर पौडेल क्षेत्रीले जानकारी दिए ।
भेटका क्रममा प्रधानमन्त्री कार्कीले आगामी निर्वाचन निष्पक्ष, स्वतन्त्र र सफल बनाउन अन्तर्राष्ट्रिय समुदायको सहयोग अपेक्षित रहेको उल्लेख गर्नुभयो ।
साथै, विदेशमा रहेका नेपाली नागरिकलाई पनि आगामी फागुन २१ मा हुने निर्वाचनमा सहभागी गराउने विषयमा छलफल भइरहेको जानकारी उहाँले राजदूतहरूलाई दिनुभयो ।
उक्त अवसरमा विभिन्न मुलुकका राजदूत तथा कूटनीतिक नियोगका प्रतिनिधिहरू उपस्थित थिए, जसले नेपालको लोकतान्त्रिक प्रक्रिया र राजनीतिक स्थायित्वमा चासो व्यक्त गरेका थिए ।
