काठमाडौं, २६ भदौ । नेकपा (माओवादी केन्द्र) का अध्यक्ष पुष्पकमल दाहाल प्रचण्डले जेनजी पुस्ताले उठाएका माग संविधान र वर्तमान संसदीय प्रक्रियामार्फत समाधान गर्नुपर्ने बताएको छ ।
उनका अनुसार संविधान र व्यवस्थापिकाको बाहिरबाट खोजिने राजनीतिक निकासले प्रतिगमनलाई मात्र फाइदा पु¥याउनेछ ।
विज्ञप्तिमार्फत प्रचण्डले भनेका छन्, लोकतन्त्रको विकल्प अझ सबल लोकतन्त्र र गणतन्त्रको विकल्प अझ सुदृढ गणतन्त्र मात्रै हो । प्रचण्डले जेनजी पुस्ताको माग न लोकतन्त्रविरोधी थियो, न संसद् विघटनको पक्षमा रहेको भन्दै, ती माग संविधानभित्रै पूरा गर्न सकिने विश्वास व्यक्त गरेका छन् ।
‘कैयन् कमजोरीका बाबजुद सामाजिक न्याय र समावेशिताको दृष्टिले अहिलेको संविधान उत्कृष्ट छ,’ उनले उल्लेख गरेका छन् । साथै, संविधान कार्यान्वयनमा देखिएका चुनौतीको गम्भीर समीक्षा गर्दै प्रत्यक्ष कार्यकारी हुने प्रणालीका पक्षमा संशोधनमार्फत समुन्नत लोकतन्त्र विकास गर्न सकिने बताए ।
