काठमाडौं, १ साउन । भूमि व्यवस्था, सहकारी तथा गरिबी निवारण मन्त्री बलराम अधिकारीले सार्वजनिक गरेको अडियो आफू र मन्त्रालयसँग सम्बन्धित नभएको बताएका छन् ।
मन्त्रालयको एकवर्षे उपलब्धि सार्वजनिक गर्न आयोजित पत्रकार सम्मेलनमा उनले यस्तो जनाएका हुन् ।
पोखराको जग्गासँग जोडिएर मन्त्री अधिकारी पनि विवादमा मुछिएको छ । त्यसै स्पष्ट पार्दै उनले भनेका छन्, ‘अहिलेसम्म यो अडियोमा आएका बोल्ने भाषा, व्यक्त गर्ने व्यक्तिहरू हामीसँग सम्बन्धित छैनन् ।
मेरो शब्द छ कि छैन, मैले कुनै कुरा गरेको छ कि छैन भन्ने कुरा अडियोबाट स्पष्ट हुनुहुन्छ ।’
उनले यसलाई चरित्रहत्या गर्ने प्रयास भएको पनि जानकारी दिए ।
