काठमाडौं, ्२७ असार । ग्रामथान गाउँपालिकाको गाउँ सभा बैठकमा सहभागी हुन नपाउने निर्णय गरेका छन् ।
गाउँपालिकाको १७औँ गाउँ सभाको तेस्रो बैठकमा अनुशासन भङ्ग गर्ने र अपमानजनक व्यवहार गर्ने दुई जना वडाध्यक्षलाई सात दिनका लागि गाउँ सभा बैठकमा असहभागी हुन नपाउने निर्णय भ्उको छ ।
गाउँपालिका कार्यालयका अध्यक्ष नमोनारायण माझीले असार २७ गते जारी गरेको आदेशअनुसार वडा नम्बर ७ का अध्यक्ष वीरेन्द्र चौधरी र वडा नम्बर ५ का अध्यक्ष भेष नारायण चौधरीलाई ‘ग्रामथान गाउँपालिका सभा सञ्चालन कार्यविधि, २०७४’ को दफा १६ को उपदफा ४ अनुसार कारबाही गरिएको उल्लेख गरिएको छ ।
ती सदस्यहरूले सभाको बैठक सञ्चालन भइरहेका बेला अपमानजनक शब्द प्रयोग गर्नुका साथै सभाको गरिमा र प्रतिष्ठामा आघात पुग्ने खालका गतिविधि गरिएको छ । सोही आधारमा दुवैलाई सात दिनसम्मको लागि गाउँ सभा बैठकमा सहभागी नपाउने गरी निष्कासन गरिएको गाउँपालिका अध्यक्ष नमो नारायण माझीले हस्ताक्षर गरेको आदेश जारी भएको छ ।
घटना सार्वजनिक भएपछि गाउँ सभाको मर्यादा र अनुशासन विषयमा विभिन्न कोणबाट प्रतिक्रिया आउन थालेका छन् ।
कारबाही परेका पालिकामा दुई वडा अध्यक्षहरू मध्ये वडा नम्बर ७ का अध्यक्ष वीरेन्द्र चौधरी र वडा नम्बर ५ का अध्यक्ष भेष नारायण चौधरी एमालेका वडा अध्यक्ष रहेका छन् । सामान्य छलफल हुँदै गर्दा नीति तथा कार्यक्रम पारित भएको अध्यक्ष माझीले भन्दै आएपछि त्यसको प्रतिवाद गर्दा उनले सभामा नै उपस्थित हुन नपाउने गरी उनले प्रतिशोध साँधेको भनाइ अन्य जनप्रतिनिधिको छ । ग्रामथानले अझै बजेट ल्याउन सकेको छैन ।
अध्यक्षलाई प्रश्न गरेकै कारण आफूहरुलाई यस्तो कारबाहीको घोषणा भएको भन्दै दुवै वडाध्यक्षले यसको कानुनी उपचार खोज्ने जनाएका छन् । यसअघि उपाध्यक्ष गुणवती थारुसहितका एमालेका जनप्रतिनिधिको गाडी खोसेका, उपाध्यक्ष हुँदाहुँदै वडाध्यक्षलाई कार्यबाहक दिएका माझीले कोरम नपुर्याई कार्यपालिका बैठकबाट निर्णय पनि गराएका थिए ।
पटकपटक आफूखुसी निर्णय गराएका उनको कदमलाई अदालतले पटकै पिच्छे अंकुश लगाउँदै आएको छ । यसपटक गाउँसभामा एमालेका दुई वडाध्यक्षलाई बैठकमा बस्नै प्रतिबन्ध लगाएपछि ग्रामथानको गाउँसभा फेरि स्थगित गरेको छ । अध्यक्ष माझीका कारण ग्रामथानले अहिलेसम्म बजेट ल्याउन सकेको छैन ।
ग्रामथानको कार्यपालिका र गाउँसभामा कांग्रेस र एमालेको बहुमत छ । माझीले अन्य दलहरुसँग समन्वय गरी नेतृत्व गर्नुको साटो बारम्बार गैरकानुनी निर्णय गर्दै विवादित हुने गरेका छन् ।
