काठमाडौं, २७ कात्तिक । सर्वोच्च अदालतका लागि नवनियुक्त चार न्यायाधीशले शुक्रबार पद तथा गोपनीयताको शपथ ग्रहण गरेका छन्।
राष्ट्रपति रामचन्द्र पौडेलको उपस्थितिमा शीतलनिवासमा आयोजित समारोहमा प्रधानन्यायाधीश डा. मनोज शर्माले न्यायाधीशहरू डा. रत्नबहादुर बागचन्द, चन्द्रबहादुर सारू, जनक पाण्डे र गोकर्ण डाँगीलाई शपथ गराएका हुन्।
राष्ट्रपति पौडेलले शुक्रबार नै उनीहरूलाई सर्वोच्च अदालतको न्यायाधीशमा नियुक्त गरेका थिए। यसअघि संसदीय सुनुवाइ समितिबाट अनुमोदन भएपछि न्याय परिषद्ले उनीहरूको नाम नियुक्तिका लागि सिफारिस गरेको थियो।
