काठमाडौं, १७ असोज । नेपाली कांग्रेसको १५औँ महाधिवेशन उद्घाटन समारोहमा सभापति गगन थापाले निवर्तमान सभापति शेरबहादुर देउवालाई प्रमुख अतिथिका रूपमा आमन्त्रण गरेका छन्।
देउवाबाटै महाधिवेशन उद्घाटन गराउने तयारीसहित सहमहामन्त्री योगेन्द्र चौधरी र सुदूरपश्चिम प्रदेश उपसभापति जनकराज चौधरी शनिबार साँझ निमन्त्रणापत्र लिएर देउवा निवास चुनदेवी पुगेका थिए। तर, देउवा तथा उनका स्वकीय सचिवसँग भेट हुन नसकेपछि उनीहरूले सुरक्षा कर्मीमार्फत निमन्त्रणापत्र बुझाएका छन्।
आइतबार खुलामञ्चमा हुने उद्घाटन समारोहमा देउवा सहभागी हुने वा नहुनेबारे भने अहिलेसम्म स्पष्ट भएको छैन।
