काठमाडौं, २७ भदौँ । नेपाल एसीसी प्रिमियर कपको च्याम्पियन बन्दै एसिया कपका लागि छनोट भएको छ।
शनिबार मलेसियाको वायुमास ओभलमा भएको फाइनलमा नेपालले यूएईलाई ४४ रनले हराउँदै उपाधि जितेको हो। नेपालले दिएको ३१४ रनको लक्ष्य पछ्याएको यूएई ४९.१ ओभरमा २६९ रनमा समेटियो। यूएईका राहुल चोपराले अविजित शतक बनाए पनि टोलीलाई जिताउन सकेनन्।
नेपालका लागि करण केसीले ३ विकेट लिए भने ललित राजवंशीले २ विकेट लिए। सन्दीप लामिछाने, रोहित पौडेल, गुल्शन झा, बसिर अहमद र दीपेन्द्रसिंह ऐरीले एक–एक विकेट लिए।
यसअघि टस जितेर ब्याटिङ गरेको नेपालले ५० ओभरमा ९ विकेट गुमाउँदै ३१३ रन बनाएको थियो। आसिफ शेखले १०२ रनको शतकीय पारी खेल्दा गुल्शन झाले ५२, अर्जुन कुमालले ४३ र रोहित पौडेलले ४० रन जोडे। आसिफको यो ओडीआई करियरको दोस्रो शतक हो।
नेपालले यसअघि २०२३ को प्रिमियर कप फाइनलमा पनि यूएईलाई पराजित गरेको थियो।
