काठमाडौं, २२ भदौ। कैलालीस्थित मोहना नदीको जलमापन केन्द्रमा पानीको सतह सतर्कता तह पार गरेको छ।
बाढी पूर्वानुमान महाशाखाले नदी आसपास तथा डुबानको जोखिम भएका क्षेत्रका बासिन्दालाई उच्च सतर्कता अपनाउन आग्रह गरेको छ।
देशभर मनसुनी वायुको प्रभाव कायम रहँदा विभिन्न नदी तथा खोलामा पानीको बहाव बढ्ने पूर्वानुमान गरिएको छ। विशेषगरी कोशी, बागमती, गण्डकी, कर्णाली र सुदूरपश्चिमका केही जिल्लामा नदीको बहाव बढ्नुका साथै आकस्मिक बाढीको मध्यम जोखिम रहेको महाशाखाले जनाएको छ।
महाशाखाले कैलालीसहित कञ्चनपुर, डडेल्धुरा, डोटी, बैतडी, दार्चुला, बझाङ, बाजुरा, अछाम, सुर्खेत, दैलेख, बाँके र बर्दियालगायत क्षेत्रका बासिन्दालाई सतर्क रहन अनुरोध गरेको छ।
