काठमाडौं, १८ भदौ । राष्ट्रिय स्वतन्त्र पार्टी (रास्वपा) ले भोटेकोशी नदीमा आएको भीषण बाढीबाट प्रभावितको उद्धार, राहत र पुनर्स्थापनामा सरकारलाई सहयोग गर्ने निर्णय गरेको छ।
पार्टीको सचिवालय बैठकमा उपसभापति तथा अर्थमन्त्री डा. स्वर्णिम वाग्लेले बाढीपछिको खोजी, उद्धार, राहत र सरकारी कामकारबाहीबारे जानकारी गराएका थिए। उनका अनुसार विपद् व्यवस्थापन तथा राहतका लागि सरकारी कोषमा हालसम्म करिब ८ अर्ब रुपैयाँ संकलन भएको जानकारी बैठकमा दिइएको थियो।
सरकारले सीमित स्रोतसाधनका बीच उद्धार तथा राहतमा देखाएको सक्रियताप्रति रास्वपाले धन्यवाद व्यक्त गरेको प्रवक्ता जगदीश खरेलले बताए। बैठकले खोजी तथा उद्धारसँगै प्रभावितको पुनर्स्थापनाको तयारीलाई पनि अघि बढाउनुपर्नेमा जोड दिएको छ।
