नेपालगन्ज, १३ साउन । बाँकेको कोहलपुर नगरपालिका–३ शान्तिटोलमा निर्माणाधीन सेप्टिक ट्याङ्कीमा फसेर तीन जना मजदुरको मृत्यु भएको छ ।
मृत्यु हुनेमा स्थानीय ४० वर्षीय कालु थारू, २६ वर्षीय प्रकाश थारू र ३३ वर्षीय बिर्जा थारू रहेका छन् ।
बुधबार बिहान निर्माणाधीन घरको आँगनमा रहेको सेप्टिक ट्याङ्कीमा उनीहरू फसेपछि प्रहरीले जेसीबीको सहायताले ट्याङ्की फुटाएर उद्धार गरेको थियो ।
तर, तीनै जना मृत अवस्थामा फेला परेको प्रहरीले जनाएको छ । शव परीक्षणका लागि तीनै जनाको शव नेपालगन्जस्थित भेरी अस्पताल पठाइएको छ ।
