काठमाडौं, २८ भदौ। रुकुमपश्चिमको सानीभेरी गाउँपालिका–६ कोटमा जीप दुर्घटना हुँदा चालकसहित दुई जनाको मृत्यु भएको छ।
आइतबार बिहान खलंगातर्फ जाँदै गरेको लु १ च ६०२९ नम्बरको डबल क्याप जिप सडकबाट करिब १०० मिटर तल खसेको प्रहरीले जनाएको छ।
दुर्घटनामा चालक र एक महिलाको घटनास्थलमै मृत्यु भएको छ। मृतकको पहिचान खुल्न बाँकी छ। वडा सदस्य वलबहादुर पुनसहित ९ जना घाइते भएका छन्, जसमध्ये चार जनाको अवस्था गम्भीर रहेको प्रहरीले जनाएको छ।
गम्भीर घाइतेलाई थप उपचारका लागि सुर्खेत लैजान हेलिकप्टर व्यवस्था गर्न आग्रह गरिएको छ।
