काठमाडौं, १८ कात्तिक । सरकारले प्रहरी संगठनको नेतृत्वमा फेरबदल गर्दै प्रहरी महानिरीक्षक -आईजीपी) दानबहादुर कार्कीलाई पदबाट हटाएको छ ।
बुधबार बसेको मन्त्रिपरिषद् बैठकले कार्कीलाई पदमुक्त गरी एआईजी डा. मनोज केसीलाई नयाँ प्रहरी महानिरीक्षकमा नियुक्त गर्ने निर्णय गरेको हो । सरकारको निर्णयअनुसार कार्कीलाई प्रहरी महानिरीक्षकको जिम्मेवारीबाट हटाएर प्रधानमन्त्रीको सुरक्षा सल्लाहकारमा नियुक्त गरिएको छ ।
यससँगै नेपाल प्रहरीको नेतृत्वमा नयाँ जिम्मेवारी हस्तान्तरण हुने भएको छ । मन्त्रिपरिषद् बैठकले गरेको निर्णयसँगै डा. केसीले नेपाल प्रहरीको सर्वोच्च नेतृत्व सम्हाल्ने भएका छन् ।
प्रहरी संगठनको नेतृत्व परिवर्तनसँगै आगामी दिनमा संगठनको व्यवस्थापन, सुरक्षा चुनौतीको सामना तथा शान्ति सुरक्षा कायम गर्ने जिम्मेवारी नयाँ प्रहरी महानिरीक्षकको काँधमा रहनेछ ।
यता, प्रहरी महानिरीक्षकबाट पदमुक्त भएका कार्कीले प्रधानमन्त्रीको सुरक्षा सल्लाहकारका रूपमा जिम्मेवारी सम्हाल्ने भएका छन् । सरकारको यो निर्णयसँगै प्रहरी नेतृत्व र प्रधानमन्त्रीको सुरक्षा व्यवस्थापनमा नयाँ जिम्मेवारी बाँडफाँट भएको छ ।
