बझाङ, १८ कात्तिक । बझाङको केदारस्युँ गाउँपालिका–७ काँडाचौरमा जिप दुर्घटना हुँदा दुई जनाको मृत्यु भएको छ भने ६ जना घाइते भएका छन्। घाइतेमध्ये पाँच जनाको अवस्था गम्भीर रहेको प्रहरीले जनाएको छ।
बुधबार बिहान करिब १० बजे सु.प.प्र.०१–००१ च ४३७६ नम्बरको जिप ब्रेक फेल भएर सडकबाट करिब १०० मिटर तल खसेको हो।
दुर्घटनामा स्थानीय २७ वर्षीया पविता धामी र ४० वर्षीय गोपाल धामीको मृत्यु भएको बझाङका डीएसपी टेकबहादुर जोराले जानकारी दिए।
घाइतेहरूलाई स्थानीयले उद्धार गरी उपचारका लागि जिल्ला अस्पताल बझाङ पठाएका छन्। घटनास्थल पुग्न प्रहरीलाई करिब तीन घण्टा लाग्ने जनाइएको छ। दुर्घटनाको थप विवरण आउन बाँकी छ।
