काठमाडौं, ८ असार । कतारको रास लफान औद्योगिक क्षेत्रस्थित बार्जान ग्यास आपूर्ति केन्द्रमा भएको विस्फोटमा १८ जना बेपत्ता भएका छन् भने ५४ जना घाइते भएको कतारको आन्तरिक मन्त्रालयले जनाएको छ ।
बेपत्ता व्यक्तिहरूको खोजीका लागि विशेष उद्धार अभियान सञ्चालन गरिएको छ । कतार एनर्जीका अनुसार प्रारम्भिक सञ्चालनका क्रममा भएको प्राविधिक दुर्घटनाका कारण विस्फोट भएको हो ।
आगो तत्काल नियन्त्रणमा लिइएको र हाल अवस्था सामान्य रहेको बताइएको छ । घटनामा संलग्न घाइते तथा बेपत्ता श्रमिकहरूको पहिचान अझै सार्वजनिक गरिएको छैन ।
रास लफान क्षेत्रमा नेपाली, भारतीय र बंगलादेशी श्रमिकहरू कार्यरत छन् । स्थानीय नेपाली श्रमिकका अनुसार विस्फोटको आवाज राजधानी दोहासम्म सुनिएको थियो र टाढाबाट ठूलो आगोको ज्वाला देखिएको थियो ।
