चितवन, असार । राष्ट्रिय स्वतन्त्र पार्टी -रास्वपा) को प्रथम महाधिवेशनअन्तर्गत बन्दसत्र निर्धारित समय बिहान ८ः३० बजे सुरु हुन सकेन ।
महाधिवेशन प्रतिनिधिहरूको नामावलीमा देखिएका त्रुटि सच्याउने प्रक्रिया जारी रहेकाले बन्दसत्र ढिलिएको हो । निर्वाचन समितिले सार्वजनिक गरेको प्रारम्भिक नामावलीमा त्रुटि भेटिएपछि प्रतिनिधिहरूले संशोधनका लागि निवेदन दिइरहेका छन् ।
बन्दसत्रमा विधान संशोधन, राजनीतिक तथा सांगठनिक प्रतिवेदन, आर्थिक प्रतिवेदन लगायतका विषयमा छलफल हुने कार्यक्रम छ । यसैबीच, रास्वपाले नयाँ नेतृत्व चयनका लागि असार ८ र ९ गतेको निर्वाचन कार्यतालिका सार्वजनिक गरेको छ।
सभापति पदमा रवि लामिछानेलाई सर्वसम्मत रूपमा निरन्तरता दिने तयारी भए पनि निर्वाचन प्रक्रिया भने निर्धारित तालिकाअनुसार अघि बढाइने जनाइएको छ ।
