चितवन, ७ असार । जनता समाजवादी पार्टी -जसपा) नेपालका अध्यक्ष उपेन्द्र यादवले रास्वपाको प्रथम महाधिवेशनलाई शुभकामना दिँदै मुलुकलाई नयाँ दिशा र नयाँ सुरुवाततर्फ लैजान सफल हुन आग्रह गरेका छन् ।
महाधिवेशनलाई सम्बोधन गर्दै उनले बेरोजगारीका कारण लाखौं युवा विदेशिन बाध्य भएको अवस्था अन्त्य गर्न आर्थिक विकास, सुशासन र सामाजिक न्यायमा जोड दिए ।
साथै, वर्तमान संविधानमा रहेका अपूर्णता र विरोधाभासलाई हटाउन संविधान संशोधन आवश्यक रहेको धारणा राखे । यादवले रास्वपाको महाधिवेशन मुलुकमा नयाँ युगको सुरुवातका लागि महत्वपूर्ण बन्न सक्ने विश्वास व्यक्त गरे ।
