काठमाडौं, ७ असार । परराष्ट्र मन्त्रालयले विभिन्न मुलुकका लागि राजदूत नियुक्तिका लागि परेका करिब तीन हजार आवेदनमध्ये प्रारम्भिक छानबिनपछि २७ सय आवेदनलाई सूचीकृत गरेको छ।
मन्त्रालयले दोहोरो आवेदन, कागजात अपूर्ण भएका तथा विवरण नमिलेका आवेदन हटाउँदै थप ‘सर्ट लिस्टिङ’ प्रक्रिया अघि बढाएको जनाएको छ। मापदण्डअनुसार उमेर, योग्यता र अनुभवका आधारमा थप छनोट गरिनेछ।
सर्ट लिस्टमा परेकाहरूलाई अन्तरवार्ता वा प्रस्तुतिकरणका लागि बोलाइनेछ र त्यसपछि अन्तिम छनोट प्रक्रिया अघि बढाइने मन्त्रालयले जनाए।
हाल सरकारले १३ राजदूत पदका लागि आवेदन माग गरेको भए पनि आगामी भदौसम्म २१ दूतावासमा राजदूत नियुक्त गर्नुपर्ने अवस्था रहने देखिएको छ।
