सशस्त्र र प्रहरीको संयुक्त कारबाहीमा १०० किलो गाँजा बरामद

पर्सा, ३१ जेष्ठ । पर्साको जगरनाथपुर गाउँपालिका–३ मुरैयाचोकस्थित खेतमा लुकाइ राखिएको १०० किलो गाँजा प्रहरीले बरामद गरेको छ ।

सशस्त्र प्रहरी र नेपाल प्रहरीको संयुक्त टोलीले पाँच बोरामा राखिएको गाँजा नियन्त्रणमा लिएर अनुसन्धान थालेको जिल्ला प्रहरी कार्यालय पर्साले जनाएको छ ।

गाँजा कसको हो भन्ने खुल्न नसकेको र सम्बन्धित व्यक्तिको खोजी भइरहेको प्रहरीले जनाएको छ ।