काठमाडौं, ३१ जेष्ठ । परराष्ट्रमन्त्री शिशिर खनाल चिनियाँ विदेशमन्त्री वाङ यी को निमन्त्रणामा चारदिने भ्रमणका लागि चीन प्रस्थान गरेका छन् ।
भ्रमणका क्रममा उनले नेपाल–चीन सम्बन्ध, द्विपक्षीय सहकार्य तथा विभिन्न आपसी हितका विषयमा उच्चस्तरीय भेटवार्ता गर्नेछन् । साथै, बेइजिङमा आयोजना हुने लगानी सम्मेलनमा सहभागी भई चिनियाँ उद्यमीहरूसँग छलफल गर्ने कार्यक्रम रहेको छ ।
मन्त्री खनालले त्यहाँ रहेका नेपाली समुदायसँग पनि अन्तरक्रिया गर्नेछन्। उनी असार ३ गते स्वदेश फर्किनेछन् ।
