दरबार हत्याकाण्डको अनुसन्धान अघि बढाउने गृहमन्त्री गुरुङको निर्णय

काठमाडौं, जेठ २६ । नवनियुक्त गृहमन्त्री सुधन गुरुङले २०५८ सालको नारायणहिटी दरबार हत्याकाण्डको अनुसन्धान प्रक्रिया अघि बढाउने निर्णय गरेका छन् ।

मंगलबार गृह मन्त्रालयमा पदभार ग्रहण गरेपछि उनले आफ्नो पहिलो चरणका महत्वपूर्ण निर्णयमध्ये दरबार हत्याकाण्डको अनुसन्धानलाई प्राथमिकतामा राख्ने घोषणा गरेका हुन् ।

गृहमन्त्री गुरुङले लामो समयदेखि चर्चामा रहेको उक्त घटनाबारे थप तथ्य र प्रमाणको खोजी गर्दै अनुसन्धानलाई अगाडि बढाइने बताएका छन् ।

उनले सत्य तथ्य सार्वजनिक गर्ने तथा जनचासोका विषयमा आवश्यक पहल गर्ने प्रतिबद्धता व्यक्त गरेका छन् । २०५८ साल जेठ १९ गते नारायणहिटी राजदरबारमा भएको हत्याकाण्डमा तत्कालीन राजा वीरेन्द्र, रानी ऐश्वर्यसहित राजपरिवारका अधिकांश सदस्यको ज्यान गएको थियो ।

उक्त घटनाबारे समय–समयमा विभिन्न प्रश्न उठ्दै आएका छन् ।