काठमाडौं, २६ जेष्ठ। नवनियुक्त गृहमन्त्री सुधन गुरुङ र विज्ञान, प्रविधि तथा नवप्रवर्तनमन्त्री महावीर पुनले मंगलबार पद तथा गोपनीयताको शपथ लिएका छन्।
राष्ट्रपतिको कार्यालयमा आयोजित समारोहमा राष्ट्रपति रामचन्द्र पौडेलले उनीहरूलाई शपथ गराएका हुन्।
प्रधानमन्त्री वालेन्द्र शाह को सिफारिसमा नियुक्त भएका गुरुङ डेढ महिनापछि गृह मन्त्रालयमा फर्किएका हुन्।
व्यवसायी दीपक भट्ट सँग जोडिएको विवादपछि उनले वैशाख ८ गते राजीनामा दिएका थिए। पछि सरकारी छानबिन समितिबाट सफाइ पाएपछि पुनः गृह मन्त्रालयको जिम्मेवारी दिइएको हो।
यस्तै, म्याग्दीबाट निर्वाचित स्वतन्त्र सांसद महावीर पुन विज्ञान, प्रविधि तथा नवप्रवर्तनमन्त्री बनेका छन्। उनी यसअघि पनि शिक्षा, विज्ञान तथा प्रविधिमन्त्रीको जिम्मेवारी सम्हालिसकेका छन्।
