महोत्तरी, २१ जेष्ठ । महोत्तरीको बर्दिवास नगरपालिका–१४ स्थित मुसहर बस्तीका १६ जना -१० पुरुष र ६ महिला) भारतको हरियाणा राज्यस्थित एक कुखुरा फार्ममा बन्धकमा परेको आरोप सार्वजनिक भएको छ ।
पीडितहरूलाई आकर्षक तलब, सुविधा र हलुका कामको प्रलोभन देखाएर गत चैतमा भारत लगिएको बताइएको छ ।
बन्धकमा परेकी २० वर्षीया किरण सदाले साहुबाट लुकेर फोन गर्दै आफूहरूलाई यातना दिइएको, ज्याला नदिइएको र बन्धक बनाएर राखिएको जानकारी दिएकी छन् ।
पीडितका आफन्तहरूले उद्धारको माग गर्दै प्रहरीमार्फत भारतस्थित नेपाली दूतावाससँग समन्वय गर्न अनुरोध गरेका छन्। घटनाबारे प्रहरीले आवश्यक पहल थालेको जनाएको छ ।
