काठमाडौँ, २१ जेष्ठ । नेकपा एमालेले नेताहरूको बढ्दो विलासी र भड्किलो जीवनशैली, कमजोर आचरण तथा जनतासँगको दूरी पार्टी कमजोर बन्नुको प्रमुख कारण रहेको निष्कर्ष निकालेको छ ।
काठमाडौंमा आयोजित दुईदिने राष्ट्रिय कार्यशालामा सहभागी नेताहरूले संगठन सुदृढीकरणका लागि नेतृत्वको जीवनशैली, व्यवहार र नैतिकतामा सुधार आवश्यक रहेको बताएका हुन् ।
कार्यशालाले सदस्यता नवीकरण र विस्तारलाई प्रभावकारी बनाउने, जनतासँगको सम्बन्ध सुधार्ने, पार्टी कमिटीलाई चुस्त बनाउने तथा डिजिटल माध्यमको प्रयोग बढाउने विषयमा जोड दिएको छ। साथै एक सदस्य बराबर तीन नयाँ सदस्यÚ थप्ने संकल्पसहित १० बुँदे प्रस्ताव पारित गरिएको छ ।
कार्यशालाको समापनमा एमाले महासचिव शंकर पोखरेलले समयअनुसार नेता, नीति र कार्यशैली परिवर्तन गर्न नसके पार्टीले जनविश्वास गुमाउने बताएका छन् ।
