काठमाडौं, २० जेष्ठ । भारत भ्रमणमा रहेका राष्ट्रिय स्वतन्त्र पार्टी -रास्वपा)का सभापति रवि लामिछानेले बुधबार भारतीय प्रधानमन्त्री नरेन्द्र मोदीसँग भेटवार्ता गरेका छन् ।
भेटमा भारतका राष्ट्रिय सुरक्षा सल्लाहकार अजित डोभाल, विदेशमन्त्री एस. जयशंकर र विदेश सचिव विक्रम मिस्री पनि सहभागी थिए ।
भेटपछि प्रधानमन्त्री मोदीले सामाजिक सञ्जालमार्फत लामिछानेसँगको भेट सुखद रहेको उल्लेख गर्दै साझा र समृद्ध भविष्यका लागि सहकार्य गर्ने प्रतिबद्धता व्यक्त गरेका छन् ।
उनले नेपालको नयाँ सरकारसँग मिलेर दुई देशबीचको बहुआयामिक सम्बन्धलाई अझ सुदृढ बनाउन भारत उत्सुक रहेको समेत बताएका छन् ।
