काठमाडौं, १८ जेठ । नेकपा एमालेले प्रधानमन्त्री बालेन्द्र शाह (बालेन) को नेपाल–भारत सीमा सम्बन्धी अभिव्यक्तिप्रति आपत्ति जनाएका छन् ।
सोमबार राष्ट्रिय सभामा बोल्दै एमाले सांसद रामकुमारी झाँक्रीले प्रधानमन्त्रीको भनाइले राष्ट्रिय स्वाभिमान र अखण्डताबारे गम्भीर प्रश्न उठाएको बताइन् ।
उनले उक्त अभिव्यक्तिप्रति असन्तुष्टि व्यक्त गर्दै सरकारसँग स्पष्ट जवाफ मागिन् । प्रधानमन्त्री शाहले आइतबार प्रतिनिधिसभामा नेपाल–भारत सीमा विवाद कूटनीतिक संवादमार्फत समाधान गर्नुपर्ने धारणा राख्दै नेपालले पनि केही स्थानमा भारतको भूमि मिचेको जानकारी आफूले पाएको बताएका थिए । उक्त भनाइपछि एमालेले प्रधानमन्त्रीको अभिव्यक्तिबारे संसदमार्फत स्पष्टीकरण मागेको छ ।
