काठमाडौं, १९ जेष्ठ। राष्ट्रिय स्वतन्त्र पार्टीका अध्यक्ष रबि लामिछाने पाँचदिने भारत भ्रमणका लागि आइतबार प्रस्थान गर्दै छन्।
भारतको सत्तारुढ भारतीय जनता पार्टी (भाजपा) का अध्यक्ष नितिन नवीनको निमन्त्रणामा हुन लागेको भ्रमण जेठ १८ देखि २२ गतेसम्म चल्नेछ।
भ्रमण टोलीमा रास्वपाका सहमहामन्त्री तथा सांसद विपिन कुमार आचार्य, सांसद दीपक बोहोरा, निकिता पौडेल र प्रदीप आचार्य सहभागी छन्।
भ्रमणका क्रममा नयाँदिल्लीमा उच्चस्तरीय राजनीतिक तथा कूटनीतिक भेटवार्ता, भाजपा नेतृत्व, नेपाली समुदाय तथा शुभेच्छुकहरूसँग भेटघाट गर्ने कार्यक्रम रहेको छ।
साथै, उनले अयोध्या को भ्रमण पनि गर्नेछन्। रास्वपाले यस भ्रमणले नेपाल–भारत सम्बन्ध र दुई देशका राजनीतिक दलबीचको संवादलाई थप सुदृढ बनाउन सहयोग पुग्ने अपेक्षा गरेको जनाएको छ।
