काठमाडौं, १८ जेष्ठ । राष्ट्रपति राम चन्द्र पौडेलले संघीय संसद्का दुवै सदनबाट पारित भएका दुई महत्त्वपूर्ण निर्वाचनसम्बन्धी विधेयक आइतबार प्रमाणीकरण गरेका छन्।
राष्ट्रपति कार्यालयका अनुसार प्रतिनिधिसभा सदस्य निर्वाचन (पहिलो संशोधन) विधेयक, २०८३ र मतदाता नामावली (पहिलो संशोधन) विधेयक, २०८३ नेपालको संविधानको धारा ११३ को उपधारा (२) बमोजिम प्रमाणीकरण गरिएको हो। राष्ट्रपति कार्यालयका प्रवक्ता रितेश कुमार शाक्यले उक्त जानकारी दिएका छन्।
