काठमाडौं, १७ जेष्ठ । प्रतिनिधिसभा बैठकमा प्रधानमन्त्री बालेन शाहले आकस्मिक रूपमा प्रश्नको जवाफ दिएर बाहिरिएपछि विपक्षी सांसदहरूले नियमापत्तिको विषय उठाएका थिए ।
यस क्रममा राष्ट्रिय स्वतन्त्र पार्टी -रास्वपा) की सांसद आशिका तामाङ आक्रोशित बनेकी थिइन् । आफ्नो सिटबाट उठेर अगाडि बढ्न खोजेपछि रास्वपाकै सांसद रञ्जु दर्शना, ज्वाला संग्रौला र भूमिका श्रेष्ठलगायतले उनलाई रोकेका थिए ।
आशिका शान्त नभएपछि रञ्जु दर्शना र ज्वाला संग्रौलाले उनलाई केही समयका लागि बैठक कक्षबाहिर लगेका थिए । पछि उनलाई पुनः बैठक कक्षमा ल्याएर बसाइएको थियो ।
