जनकपुर, १० जेष्ठ। राष्ट्रिय स्वतन्त्र पार्टी (रास्वपा) मधेश प्रदेश कार्यालय, धनुषाले धनुषा जिल्ला निर्वाचन समिति गठन गरेको छ।
पार्टीको संगठन विस्तार, निर्वाचन परिचालन तथा अभियानलाई प्रभावकारी रूपमा सञ्चालन गर्ने उद्देश्यले तीन सदस्यीय समिति गठन गरिएको जनाएको छ।
रास्वपाले जारी गरेको पत्रअनुसार प्रदेश विभागीय सदस्य देवचन्द्र यादवलाई जिल्ला निर्वाचन समितिको संयोजकको जिम्मेवारी दिइएको छ। समितिमा मञ्जु देवी महतो र सुन्देश्वर यादव सदस्य रहेका छन्।
पार्टीको विधान, नीति तथा संगठनात्मक अनुशासनलाई आत्मसात गर्दै जिल्ला निर्वाचनसम्बन्धी गतिविधि सञ्चालन, समन्वय तथा संगठन सुदृढीकरणमा सक्रिय भूमिका निर्वाह गर्ने विश्वास पार्टीले व्यक्त गरेको छ।
यो नियुक्ति २०८३ जेठ १० गतेदेखि लागू हुने गरी गरिएको पत्रमा उल्लेख छ। पत्रमा संगठन विभाग मधेश प्रदेशका सह–महामन्त्री गणेश विशालको हस्ताक्षर रहेको छ।
