काठमाडौं, ७ जेष्ठ । सभामुख डोलप्रसाद अर्यालले प्रतिनिधिसभामा प्रश्नोत्तर कार्यक्रममा उपस्थित हुन गरेको आग्रह पनि प्रधानमन्त्री बालेन्द्र शाहले अस्वीकार गरेका छन् ।
प्रतिनिधिसभा नियमावलीअनुसार प्रत्येक महिनाको पहिलो साता प्रधानमन्त्रीसँग एक घण्टा प्रश्नोत्तर कार्यक्रम राख्नुपर्ने व्यवस्था भए पनि प्रधानमन्त्री हालसम्म संसदमा उपस्थित भएका छैनन् ।
विपक्षी दलहरूको दबाबपछि सभामुख अर्याल संसद बैठक १५ मिनेट स्थगित गरेर प्रधानमन्त्री कार्यालय पुगेका थिए ।
भेटमा सभामुखले नियमावलीको बाध्यात्मक व्यवस्था स्मरण गराउँदै संसदमा उपस्थित हुन आग्रह गरे पनि प्रधानमन्त्रीले ठोस मिति नदिई समय मिलाउँला भन्ने जवाफ दिएको स्रोतले जनाएको छ ।
