काठमाडौं, १ जेठ । सी जिनपिङले अमेरिका–चीन सम्बन्धमा ‘थुसिडाइड्स ट्र्याप’ बाट बच्नुपर्ने चेतावनी दिएको छ ।
बेइजिङमा भएको भेटवार्ताका क्रममा उनले डोनाल्ड ट्रम्प समक्ष दुई महाशक्तिबीच द्वन्द्वको जोखिमबारे चर्चा गरेको हो । ‘थुसिडाइड्स ट्र्याप’ प्राचीन ग्रीसका एथेन्स र स्पार्टाबीच भएको युद्धको अवधारणासँग सम्बन्धित छ ।
इतिहासकार थुसिडाइड्सले उदीयमान शक्ति एथेन्सको उदयले स्थापित शक्ति स्पार्टामा भय सिर्जना गरेपछि युद्ध भएको उल्लेख गरेका थिए । आधुनिक अन्तर्राष्ट्रिय राजनीतिमा यो अवधारणा तब प्रयोग गरिन्छ, जब एउटा उदाउँदो शक्तिले स्थापित शक्तिलाई चुनौती दिन्छ र द्वन्द्वको सम्भावना बढ्छ ।
सीले चीन र अमेरिकाले यस्तो अवस्था टार्दै नयाँ प्रकारको सहअस्तित्वको सम्बन्ध विकास गर्नुपर्ने बताएका छन् ।
