काठमाडौं, २३ वैशाख । प्रधानमन्त्री बालेन शाहले संवैधानिक परिषद्को बैठक बोलाएका छन् ।
रिक्त संवैधानिक पदहरूमा नियुक्तिका लागि सिफारिस गर्ने उद्देश्यले बैठक बिहीबार साँझ ५ बजेका लागि तय गरिएको छ । राष्ट्रपति रामचन्द्र पौडेलले हालै संवैधानिक परिषद्सम्बन्धी अध्यादेश जारी गरेपछि नियुक्ति प्रक्रिया अघि बढ्ने मार्ग खुलेको हो ।
हाल प्रधानन्यायाधीश, प्रमुख निर्वाचन आयुक्त लगायतका महत्वपूर्ण संवैधानिक पदहरू खाली रहेका छन् । साथै विभिन्न आयोगहरूमा अध्यक्ष तथा सदस्य पदहरू समेत रिक्त छन् ।
कानुनी व्यवस्था अनुसार परिषद्ले नियुक्तिका लागि सिफारिस गर्नेछ भने संसदीय सुनुवाइपछि राष्ट्रपतिबाट अन्तिम नियुक्ति हुने व्यवस्था छ ।
