काठमाडौं, १६ बैशाख । इन्धनको मूल्य बढेसँगै सरकारले सार्वजनिक यातायातको भाडा फेरि वृद्धि गरेको छ ।
यातायात व्यवस्था विभागका अनुसार अन्तरप्रदेश सञ्चालन हुने यात्रुबाहक तथा मालबाहक सवारीमा ५ प्रतिशतका दरले भाडा बढाइएको छ, जुन आजदेखि लागू भएको छ ।
यो निर्णय डिजेलको मूल्य वृद्धि पछि लिइएको हो, जसको हालको मूल्य प्रतिलिटर २३५.८३ रुपैयाँ पुगेको छ । यसअघि पनि चैत २५ गते भाडा बढाइएको थियो ।
विभागले भने विद्युतीय सवारीसाधनमा यो वृद्धि लागू नहुने स्पष्ट पारेको छ । यदि विद्युतीय सवारीले भाडा बढाएमा कारबाही गरिने चेतावनी समेत दिइएको छ ।
