जनकपुर, ९ चैत । जनकपुरमा मधेश प्रदेश सभाको बैठक चैत्र १५ गते बस्ने तय भएको छ ।
सभामुख रामअशिष यादवको अध्यक्षतामा बसेको सर्वदलीय बैठकले छैटौँ अधिवेशनको १४ औँ बैठक आह्वान गर्ने निर्णय गरेको हो ।
बैठकमा कार्यसञ्चालन नियमावली २०८२ को मस्यौदा प्रतिवेदन, विषयगत समितिका वार्षिक प्रतिवेदन, प्रदेश लोक सेवा आयोगको छैटौँ वार्षिक प्रतिवेदन तथा स्थानीय तह सम्बन्धी ऐन संशोधनका विषयमा छलफल गरिनेछ ।
साथै प्रदेश नीति आयोग सम्बन्धी ऐन संशोधन विधेयक पनि प्रस्तुत हुने तयारी छ । अन्य केही विधेयकहरू ल्याउने तयारी पनि प्रदेश सरकारले गरिरहेको छ ।
